Nèin, iech höb het nie euver de keuninklijke BHV-loedgieter Jean-Luc, mer euver den haon van ozze geboer.

Zjeë weet, ‘nen haon is ‘nen natuurlijke wèkker en a zjeë goei punte bè energiebespaorende-Hugo wielt haole, dient zjeë zellefs urre wèkkerradio vòt te goeie. Allemoil goed en wel, mè ozze haon zit noa toch inne mizere.

Nie dat ter z’n hinne tekot duut, belange nie. Heë treët ze nog anne lopende baand, zonner viagra, en heë hèt ooch nog gee lèdderke vandoen veur vlot trop te wippe.

Da is ’t nie, ’t is z’n stöm dei nooë de kloete is! Nen haon dient normaol “Kukeleku!” te zènge, mer oos errem bies kriegt allèin nog “Keukeu…” oat z’n strooët en dei twiede lèttergreep is zjus alsof ter ’n rasp gebrökt.’t Is nie veur an te heur’n! Het trikt op gènne örgel! As ter aontrèkt sjödde de hinne al bè hunne kop en iech höb ter zellefs al twie gezien dei va mezere hun doume in hun ore hage. En veë? Veë jonne wakker bè ’n naachmerrie!

Is dan dooë niemand deë rooëd weet vör dei mezere te verhellepe? Veë koene dei bies toch zoe nie looëte besjomd stön!

A e middelke kèint, sjrèf het dan hèè-onner. Alle taole zen goed, mer a zjeë in’t Diep’nbeeks wielt sjrèève, gebrök dan het leësplenkske oat den Diep’nbeekse wodebók.

Bedankt op veurhaand!

(Geschreven door Papa Razzi)