Crescendo vierde zötterdaog in stèèl ze fjottig-jooërig bestön mèt ooch e gesmaokt gastoptreëe van het groet koor van Roierhèi.

Lewie Dehasque leërde ze vollek trèkzak spele en zondaog klonke de vrolijke accordeondeuntjes euver hiel Lutselus. Onnertùsse speild’n de Stroobanders (van boerefanfare geëvolueërd tot ’n genenomeërde harmonie) Roierhèi plat.

Euver hiel Bels spèild’n dit wiek-end jazzgrüpkes dei ontstön zen aot de Deep Creek Jazzuits en oos muzieksjooël maokt anne lopende baand spellernouw muzekaanten bè! Dooë zit muziek in Diep’nbeek!

Da kan nie gezèid jonne vanoos gemèintebestuur…

Tjen höbbe ze z’n instrument aofgepakt en deë spèilt zellefs niemè op z’n poet.

Hugo spèilt op e grün herdersfleutsje en Martha is de solo-toer opgegòin. Wèi haod Patrick en dooënooë Brigitte hun eige ooch blouw blooëze, ze koenne de valse cultuurnoete van Pier nie euverstömme. In het roed orkeske höbbe Patrick en Frank de vioele wier opeen aofgestömd, mè iech bèn bang da ze de snare wa te vaas gespanne höbbe. Oat het Vloms Belang kumt ni vùl klank en wa dan zègge van de de minse dèi onner de koepel van de C zitt’n? Wèi koent zjeë noa fatsoenlijke gregoriaanse klanke aot CD&V-ers, NVA-ers en VDD-ers krèège as dèi bèdeen mòtte zènge?

Mezere, mezere, mezere…!

Het is waachte op ’n goei joste vioel en zeker op ‘ne bekwaome dirigent, want zoe is het nie an te heure!

(Geschreven door Papa Razzi)

Tekst: Externe Bron Fotograaf: Externe Bron